Si Szinpin blogerlarni qattiq nazorat qilishni buyurdi

Xitoy rahbari Si Szinpin blogerlar va onlayn platformalar ustidan nazoratni kuchaytirishni buyurdi. Bu haqda mamlakatning davlat televideniyesi xabar berdi.

U uzoq muddatli internet boshqaruv mexanizmini yaratish bo‘yicha buyruq bergan.

“Biz onlayn tartibsizlikka qarshi “qilichini sug‘orishga” jur’at etishimiz, qat’iy zarba berishimiz, manfaatlar zanjirini sindirishimiz va ular paydo bo‘lgan tuproqni yo‘q qilishimiz kerak”, degan mamlakat yetakchisi.

U internet platformalari, xususiy bloglar va MCN agentliklari ijtimoiy jihatdan mas’uliyatli bo‘lishi va ijobiy kontentni tarqatishi kerakligini ta’kidladi. Bu onlayn faoliyatni tartibga solishga qaratilgan yangi raqamli tartibga solish strategiyasining bir qismidir.

Si Szinpin, shuningdek, sun’iy intellekt va katta ma’lumotlar bilan bog‘liq muammolarni ta’kidladi. U bu sohada tahdidlar tasnifi va axborot xavfsizligi tizimlarini takomillashtirishga chaqirdi. Mutaxassislarning qayd etishicha, Xitoy bosqichma-bosqich raqamli kontent va texnologik xavfsizlikni monitoring qilishning keng qamrovli tizimini yo‘lga qo‘ymoqda.

Eslatib o‘tamiz, avvalroq Qozog‘istonning Olmaota viloyatining Uyg‘ur tumanida 30 ga yaqin kishi Xitoy bayrog‘i va Xitoy yetakchisi Si Szinpin portretini yoqib yuborgan norozilik namoyishini o‘tkazgandi.