Sarosimaga tushmaslikni so‘raymiz – IIV fuqarolarga murojaat bilan chiqdi

O‘zbekiston Respublikasi Ichki ishlar vazirligi fuqarolardan “svet” o‘chishi sabab sarosimaga tushmaslikni so‘ramoqda. Vazirlikka ko‘ra, Ichki ishlar vazirligining barcha xizmatlari nazoratni qo‘liga olgan. 

“Mamlakatimizning ayrim hududlarida elektr ta’minotining tiklanguniga qadar Ichki ishlar vazirligining barcha xizmatlari, shu jumladan Yo‘l xarakati xavfsizligi tizmi jamoat tartibini saqlashga, yo‘llarda tartibni ta’minlashga jalb etilganligini, fuqarolarning va ularning mulklarini xavfsizligi to‘liq ta’minlanishi nazoratga olinganligini ma’lum qilamiz.

102 tizimi odatiy rejimda ishlamoqda.

Fuqarolardan noodatiy vaziyatdan sarosimaga tushmasliklarini hamda tushunmovchiliklar yuzaga kelganda ichki ishlar organlari va maxsus xizmatlarning yordamiga tayanishlarini so‘raymiz.

Ko‘cha va yo‘llarda ichki ishlar organlari xodimlarining qonuniy talablarini bajarishingizni, yo‘l harakati qoidalariga so‘zsiz rioya qilishingizni, maxsus trasport vositalariga yo‘l berishingizni, imkon tariqasida avtotrasport vositalaridan foydalanmasligingizni so‘raymiz”, deyiladi vazirlik xabarida.