Самарқанддаги 26 та мактабда коронавирус қайд этилди
Жамият
−
19 Апрель 2021 8966
Самарқанд шаҳридаги яна 15 та умумий ўрта таълим мактабининг ўқитувчи ва ўқувчилари орасида коронавирус инфекциясини юқтириш ҳолатлари аниқлангани сабабли ушбу мактабларда бугундан бошлаб 14 кунга ўқув жараёни масофавий шаклда ўтказиладиган бўлди.
Шаҳар ҳокимлиги ахборот хизматининг хабар беришича, бу муассасалар 8,10, 17, 29, 31, 36, 37, 45, 46, 50, 51, 55, 65, 69-мактаблар ва 1-ихтисослашган давлат умумтаълим мактабидир.
Эндиликда Самарқанд шаҳридаги 26 та мактабда болаларга таълим бериш онлайн тартибда олиб борилади. Ўқув жараёни масофавий шаклга ўтказилган ҳар бир мактаб биноси тўлиқ дезинфекция қилинмоқда.
14 кундан сўнг ўқитувчи ва ўқувчилардан олинадиган тиббий тест натижаларига қараб таълим муассасаларида анъанавий ўқиш тизимига ўтиши мумкин.
Live
Барчаси