Самарқандда ўқишга киритишни ваъда қилган шахс ушланди (видео)

Самарқанд вилоятида фуқаронинг ишончига кириб, уни ўқишга киритиб қўйиш евазига 10 млн сўм талаб қилган шахс қўлга олинди. Бу ҳақда Ички ишлар вазирлиги хабар берди. 

Маълум қилинишича, 1988 йилда Самарқанд шаҳрида туғилган, муқаддам Жиноят кодексининг 168-моддаси (фирибгарлик) билан судланган фуқаро 2001 йилда туғилган фуқаронинг ишончига кириб, уни ўзи фаолият юритадиган техникумга дуал таълим тизими асосида ўқишга киритишни ваъда қилган.

Шунингдек, у мазкур хизмат евазига 10 миллион сўм пул талаб қилган. Сўнгра аввалдан 700 минг сўмни олиб, қолган 9 млн 300 минг сўмни еса кимёвий ишлов берилган пуллар кўринишида олаётган вақтида ашёвий далиллар билан қўлга олинган. 

Мазкур ҳолат юзасидан фуқарога нисбатан Жиноят кодексининг 168-моддаси (фирибгарлик) билан жиноят иши қўзғатилиб, ҳозирда дастлабки тергов ҳаракатлари олиб борилмоқда.

Эслатиб ўтамиз, жорий йилнинг 7 апрел куни Фарғонада ўқишга киритишни ваъда қилган мансабдор қўлга тушган еди.

Шаҳзода Шукуруллаева