Россиялик 21 ёшли талаба давлатга хиёнат қилишда айбланди

Олам 15360
image
-

Астраханлик 21 ёшли талаба давлатга хиёнат қилганликда айбланди. Бу ҳақда BBC рус хизмати маълум қилди.

Қайд этилишича, давлатга хиёнатда айбланган Глеб Вердиян 2001 йилда туғилган бўлиб, у Астрахандаги қурилиш ва иқтисодиёт университетининг 2-курс талабаси.

Унинг хиёнатда гумонланишига нима сабаб бўлгани кўрсатилмаган. Иш материаллари махфийлаштирилган. 

Маълумот учун, Россияда ушбу жиноят учун йигирма йилгача озодликдан маҳрум этиш жазоси берилиши мумкин.

Адвокатларга кўра, Вердиян Россиянинг замонавий тарихидаги “хиёнат” моддаси бўйича энг ёш айбланувчилардан бири.

Фарангиз Салимова
Мақолага баҳо беринг
Баҳолаганлар: 720
Рейтинг: 3
t
×