Россияда ўзбекистонликнинг ўлдирилиши ортидан йирик қурол-яроғ омбори топилди

Санкт-Петербург ҳуқуқ-тартибот идоралари ходимлари шаҳарнинг Виборг туманидаги мактаб яқинида адвокатнинг ўзбекистонлик ҳайдовчиси ўлдирилиши бўйича тергов жараёнида катта миқдордаги қурол-яроғ ва ўқ-дорилар омборини аниқлади. Бу ҳақда Россия Тергов қўмитасининг Санкт-Петербург бўйича Бош тергов бошқармаси матбуот хизмати хабар берди. 

“27 февраль куни [қотилликда айбланувчи ташкилотчи] Рагаускаснинг гаражини тинтув қилиш чоғида терговчилар Россия ИИВ вилоят бошқармаси ходимлари билан биргаликда катта миқдордаги ўқ-дорилар, пулемётлар, снайперлар, милтиқлар, тўппончалар, гранаталар, тротиллар, сигорталар, граната ва бошқа қуроллар, шунингдек, радиостансиялар, [айбланувчи ижрочи] Артюхин сурати туширилган сохта полициячининг гувоҳномасини топиб, мусодара қилдилар”, дейилади хабарда. 

Россия Ички ишлар вазирлигининг Санкт-Петербург бўйича бош бошқармаси матбуот хизмати қуроллар Глухарская кўчасидаги гаражлардан бирида топилганига аниқлик киритди. Тахминларга кўра, қурол ва жиҳозлар жанговар тайёр ҳолатда бўлган.  

Эслатиб ўтамиз, жорий йилнинг 20 февраль куни Россиянинг Санкт-Петербург шаҳрида ёлланма қотил Ўзбекистон фуқароси – 41 ёшли Рустамбек Алдаевнинг бошига “Макаров” тўппончаси билан ўқ узиб, яширинди. Шундан сўнг, 22 февраль куни жабрланувчи шифохонада, олган тан жароҳати туфайли вафот этган. Мазкур ҳолат юзасидан тергов органлари томонидан Россия Федерацияси Жиноят кодексининг 30 ва 105-моддалари (қотилликка уриниш) билан жиноят иши қўзғатилган.

Россия Федерацияси Ички ишлар вазирлигининг Санкт-Петербург шаҳри бўйича бош бошқармасининг хабар беришича, тезкор ходимлар томонидан ўтказилган тадбирда қотилликка алоқадор шахслар қўлга олинди.

Гап шундаки, ўша пайтда Ўзбекистон фуқаросининг бошқарувида бўлган Toyota Camry русумли автомобиль эгаси асли россиялик 58 ёшли адвокат бўлиб, у бир муддат олдин 51 ёшли бизнесмен билан жанжаллашиб қолган. Тадбиркор эса аввал ҳам босқинчилик жинояти учун судланган 50 ёшли эркакни  5 миллион рубль эвазига адвокатни ўлдириш учун ёллаган. Бироқ, ёлланма қотил адашиб, адвокатни эмас, унинг шахсий ҳайдовчисини нишонга олган.

Айни пайтда қотилликда гумон қилинаётган шахс ҳамда "буюртмачи" тегишли тартибда ушланиб, тергов органларига топширилгани маълум қилинган.

Эркаклар ижарага олинган қотиллик айби билан тергов қилинмоқда. Тергов маълумотларига кўра, Гинтарас Рагаускас 2023 йилнинг 31 августидан кечиктирмай Андрей Артюхинга камида 5 миллион рубль мукофот эвазига 58 ёшли петербурглик адвокатни ўлдиришни таклиф қилган. Мижоз адвокат билан мулкий зиддиятга эга эди. Рагаускас Артюхинга жабрланувчи ҳақида маълумот берди ва овоз ўчиргичли тўппончани топширди. 20 февраль куни эрталаб Артюхин ўзини таништириб, Виборг шоссесидаги 622-гимназия ёнида адвокат ҳайдовчиси, 42 ёшли Ўзбекистон фуқаросини бошидан оғир жароҳатлаган. Икки кундан кейин эркакнинг ўлими маълум бўлди.