Россия Украина ҳарбийларини йўқ қилишда қандай қуролдан фойдаланаётгани айтилди

Олам 16305
image
-

Россия махсус кучлари уруш давомида “Галл” овозсиз миномётларидан фойдаланмоқда, хусусан, улар ёрдамида Украинанинг разведка гуруҳларини йўқ қилмоқда. Бу ҳақда РИА Новости хабар берди. 

"Россия Қуролли кучлари Украинада ўқ отиш белгиларини - товуш, чақнаш ва тутун изларини кескин камайтирувчи ноёб жим 2Б25 Галл миномётларидан фойдаланмоқда. Хусусан, бу миномётдан ўқ овози баланд қарсак чалишга ўхшайди”, дейилади хабарда.

Қайд этилишича, “ушбу миномётлар яширин фойдаланиш имконияти туфайли махсус ва разведка тадбирлари вақтида кутилмаган ўт ўчириш рейдларини ўтказиш, жумладан, камуфляжланган кузатув постлари ва истеҳкомларини йўқ қилиш, Украинанинг қўпорувчилик ҳамда разведка гуруҳларини йўқ қилиш бўйича пистирмага қарши операцияларда қўлланилади". 

Россия миномёти аниқлиги, кучи, ҳаракатчанлиги ва яширинлиги жиҳатидан Украина мобил гуруҳлари томонидан ишлатиладиган 60 миллиметрлик хорижий миномётлардан сезиларли даражада устундир. 

2Б25 "Галл" миномёти "Буревестник" Марказий илмий-тадқиқот институтида ишлаб чиқилган. У 82 миллиметр калибрга эга ва 100 метрдан 1200 метргача бўлган масофадаги нишонларга зарба бера олади. 

"Галл"нинг яна бир афзалликлари унинг оғирлиги бўлиб, у атиги 13 килограммдир. Миномёт экипажи иккита аскарни ўз ичига олади ва уни кўтариш учун бир киши кифоя қилади - қурол кичик сумкага сиғади.

Диёра Абдураҳмoнова
Мақолага баҳо беринг
Баҳолаганлар: 782
Рейтинг: 3
t
×