Россия дўст бўлмаган давлатлар рўйхатини кенгайтирди

Олам 18589
image
-

Россия Ҳукумати мамлакатга дўстона муносабатда бўлмаган давлатлар рўйхатини кенгайтирди ва уларга қарши чоралар кўрилмоқда. Бу Вазирлар Маҳкамаси матбуот хизмати хабар берди.

Рўйхат Греция, Дания, Словения, Хорватия ва Словакия билан тўлдирилди.

Ҳужжатда ушбу давлатларнинг элчихоналари ва консулликлари Россияда ёллаши мумкин бўлган ходимлар сони кўрсатилган.

Шундай қилиб, Грецияга 34 киши, Дания – 20, Словакия учун 16 кишилик чегара ўрнатилган. Словения ва Хорватия энди дипломатик ваколатхоналари ва консуллик муассасаларида маҳаллий ходимларни ишга олмайди.

“Ҳукумат томонидан тасдиқланган рўйхат якуний эмас ва хорижий давлатларнинг Россиянинг хориждаги ваколатхоналарига қарши давом этаётган душманлик ҳаракатлари ҳисобга олинса, у кенгайиши мумкин”, дейилади баёнотда.

Ўтган йилнинг май ойида худди шундай чекловлар АҚШ ва Чехия дипломатик ваколатхоналарига ҳам киритилган эди.

Бундан ташқари, 2022 йил март ойида ҳукумат Россияга нисбатан нодўстона ҳаракатлар содир этувчи хорижий давлатлар ва ҳудудлар рўйхатини тасдиқлади. Унда 48 та давлат бор: Австралия, Албания, Андорра, Буюк Британия, Европа Иттифоқининг барча давлатлари, Исландия, Канада, Лихтенштейн, Микронезия, Монако, Янги Зеландия, Норвегия, Корея, Сан-Марино, Шимолий Македония, Сингапур, АҚШ, Тайвань, Украина, Черногория , Швейцария, Япония.

Суннатилла Абдуллаев
Мақолага баҳо беринг
Баҳолаганлар: 744
Рейтинг: 3.1
t
×