Россия 9 давлатга қўйилган чекловларни бекор қилди. Улар орасида Ўзбекистон ҳам бор
Олам
−
05 Март 2022
85541Россиянинг Ветеринария ва фитосанитария назорати федерал хизмати (Россельхознадзор) бугун, 5 мартдан 9 та давлатдан, жумладан, Ўзбекистондан мамлакатга сабзавотлар олиб киришга қўйилган чекловни бекор қилди. Бу ҳақда "Интерфакс" хабар берди.
Арманистон ва Озарбайжондан помидор, Беларусь, Қозоғистон, Туркманистон, Ўзбекистон, Қирғизистондан помидор ва қалампир, Мисрдан картошка, Туркиядан помидор, қалампир, қовоқ ва бақлажон олиб киришга рухсат берилди.
Бу тартиб алоҳида ишлаб чиқарилувчиларга қўйилган чекловларни ҳисобга олмаганда ушбу 9 давлатнинг барча ҳудудидан олиб кириладиган маҳсулотларга тегишли.
“Қарор ушбу мамлакатларнинг карантин ва ўсимликларни ҳимоя қилиш бўйича миллий ташкилотлари томонидан тақдим этилган ҳудудийлаштириш тўғрисидаги маълумотлар, шунингдек, Россия Федерацияси ва ЕОИИга аъзо давлатларнинг фитосанитария талаблари бузилишининг олдини олиш бўйича кўрилаётган чора-тадбирлар тўғрисидаги маълумотлар таҳлили асосида қабул қилинди”, дейилади хабарда.
LiveБарчаси