Роналдунинг қасрида қурилиш ишлари тезлашадиган бўлди
Спорт
−
01 Ноябрь 2022 7823 1 дақиқа
“Манчестер Юнайтед”нинг португалиялик ҳужумчиси Криштиану Роналду Лиссабондаги уйини қуриш ишларини тезлаштирди. Бу ҳақда "The Sun" нашри хабар берди.
37 ёшли футболчи аввалроқ салкам 20 миллион еврога уй сотиб олганди. Роналду вилла қурилиш ишларини 2023 йил ёзигача якунлаш учун меъмордан қурилиш суръатларини тезлаштиришни сўраган.
Элита ҳудудида жойлашган қаср Португалиядаги энг қиммат кўчмас мулкка айланади. Уй уч қаватдан иборат бўлиб, майдони 2,7 минг квадрат метр, очиқ майдони 544 квадрат метр, турли боғлар ва улкан бассейндан иборат.
Роналдунинг рафиқаси Жоржина Родригес эса аллақачон беш фарзанди учун Лиссабондан мактаб излай бошлаган.
Аввалроқ, ҳужумчи 2023 йилнинг қишида "Спортинг"га ўтмоқчи эканлиги ҳақида хабарлар тарқалган эди. Роналдунинг "Манчестер Юнайтед" билан шартномаси келаси ёзгача амал қилади.
Шахзод Шукуров
Live
Барчаси