“Реал Мадрид” яна бир футболчи трансферини эълон қилди

Спорт

−

19 Июнь 2023 visibility7014 timer1 дақиқа

Мадриднинг “Реал” клуби бугун, 19 июнь куни ўтган мавсум охирида Сегундага тушиб кетган Каталониянинг “Эспаньол” клуби ҳужумчиси Хоселу трансферини эълон қилди.

Хоселу “Реал”да 1 йил ижара асосида тўп тепади. Футболчининг тақдимоти 20 июнь куни бўлиб ўтади. 33 ёшли ҳужумчи янги клубида 500 минг евро ишлаб олади. “Реал” истаса 1,5 миллион евро эвазига тўлиқ ўз сафига қўшиб олиши мумкин.

Хоселу ўтган мавсумда Испания чемпионатида 16 та гол урди. Футболчи Ла Лигада Роберт Левандовски ва Карим Бенземадан кейин учинчи тўпурарга айланди.

Хоселу фаолияти давомида Англия ва Германия чемпионатларида ҳам тўп тепган. У Испания терма жамоаси сафида 3 та ўйинда майдонга тушган.

Мақола муаллифи