“Реал” Испания суперкубоги учун қайдномасини эълон қилди. Баъзи етакчилар сафда эмас

Жорий йилнинг 11 январь куни Саудия Арабистонида Испаниянинг 4 та жамоаси ўртасида Испания Суперкубоги учун баҳслар бўлиб ўтади.

Мадриднинг “Реал” клуби ярим финалда “Валенсия”га қарши баҳс олиб боради. “Барселона” эса финалолди ўйинда “Бетис” билан куч синашади.

Италиялик мутахассис Карло Анчелотти мураббийлигидаги “қироллик клуби” кичик турнир учун қайдномасини эълон қилди. Эътиборлиси, қайдномадан асосий таркиб футболчилари Аурелиен Тчуамени ва Давид Алаба ўрин олмади.

“Реал” қайдномаси:

дарвозабонлар – Тибо Куртуа, Андрей Лунин, Луис Лопес;

ҳимоячилар – Даниель Карвахал, Эдер Милитао, Хесус Валехо, Начо, Альваро Одриосола, Лукас Васкес, Антонио Рюдигер, Ферлан Менди;

ярим ҳимоячилар – Тони Кроос, Лука Модрич, Эдуардо Камавинга, Федерико Вальверде, Даниель Себалос, Марио Мартин;

ҳужумчилар – Эден Азар, Карим Бензема, Марко Асенсио, Винисиус Жуниор, Родриго, Мариано Диас.