Путин Европа билан газ урушида мағлуб бўлди – “Politico”

Еврокомиссиянинг янги ҳисоб-китобларига кўра, Европа газ омборлари ярмидан кўпи тўлдирилгани учун бу қишдан ўта олди. Бу Россия Президенти Владимир Путиннинг Европани газ таъминотини тўхтатиш орқали музлатиб қўйишга уринишига қарамай, ЕИ иқтисоди совуқ ҳавода, жумладан, кейинги қишдан ҳам омон чиқишини билдиради. Бу ҳақда “Politico” нашри хабар берди.

“Бу Россия раҳбарининг Европани газ таъминотини тўхтатиш орқали музлатиб қўйишга уринишларига қарамай, Европа Иттифоқи иқтисодлари жиддий зарарсиз энг совуқ ойлардан омон қолишини англатади ва улар келгуси қишни ҳам худди шундай қилиш учун кучли позицияда бошлашга тайёр кўринади”, дейилади хабарда.

Бир неча ой олдин бу қишда Россиядан газ етказиб беришдаги узилишлар туфайли Европада энергия тақчиллигидан хавотирлар бор эди. Аммо комиссия таҳлилига кўра, юмшоқ об-ҳаво, суюлтирилган газ импортининг ортиши ва газ истеъмолининг сезиларли даражада пасайиши натижасида март ойи охиригача 50 миллиард куб метрдан ортиқ газнинг омборларда қолиши прогноз қилинмоқда. 

Европа Комиссиясининг юқори мартабали расмийси Европанинг газ таъминотини таъминлашдаги муваффақиятини режалаштириш ва омад уйғунлиги билан изоҳлади.

“Бундай муваффақиятга кутилмаган илиқ об-ҳаво шароити ва Хитойнинг бозордан ташқарида бўлиши [COVID чекловлари туфайли]. Аммо талабнинг қисқариши, сақлаш сиёсати ва инфратузилма ишлари сезиларли даражада ёрдам берди”, деди расмий.

Қишки иситиш мавсумини шундай тўлиқ захира билан якунлаш – Европа Иттифоқининг тахминан 100 миллиард кубометр сақлаш ҳажмининг 50 фоизидан кўпроғи – қисқа муддатда газ тақчиллиги ҳақидаги ҳар қандай қўрқувни йўқ қилади. Бу, шунингдек, келгуси қишда Европанинг энергетик хавфсизлиги билан боғлиқ хавотирларни енгиллаштиради.

Ижобий рақамлар сўнгги кунларда Европа Иттифоқи раҳбарлари томонидан тақдим этилган оптимистик нуқтаи назарга асосланади, жорий йилнинг 14 февраль куни энергия бўйича комиссари Кадри Симсон Европа Россия билан “энергия уруши”нинг “биринчи жангида” ғалаба қозонганини айтди.