Путин ва Байден учрашиши мумкинми? Песков жавоб берди

Россия Федерацияси ва АҚШ Президентлар Владимир Путин ва Жо Байден ўртасидаги учрашув эҳтимоли бўйича дастлабки алоқаларни ўтказмаяпти. Бу ҳақда бугун, 23 декабрь куни Кремль матбуот котиби Дмитрий Песков маълум қилди. 

Песковга ушбу масала билан боғлиқ савол Россия Президенти Владимир Путиннинг Москва Украинадаги можарони қанчалик тез тугатса, шунча яхшилигига интилиши ҳақидаги фикри ва Оқ уйнинг Россия томонидан жиддий ва реал тайёргарлик бўлса, Байден Путин билан албатта учрашишга тайёрлиги ҳақида баёноти ортидан берилган.  

“Бу борада дастлабки алоқалар мавжуд эмас. Албатта, ҳар қандай можаро музокаралар столида тугайди ва бу ҳақда қайта-қайта айтилган. Албатта, биз, биринчи навбатда, Россия Федерацияси ўз олдига қўйган мақсадларга эришиш орқали "махсус ҳарбий операция"ни тезда якунлаш ҳақида кетмоқда”, дейди Песков. 

Оқ уй раҳбарининг Вашингтон сиёсатидаги ғазаб ва тарафкашлик ҳақидаги баёнотларини шарҳлар экан, матбуот котиби Байденнинг сўзлари Қўшма Штатларнинг ички иши бўлиб, кўпроқ президент ва америкаликлар ўртасидаги муносабатлар соҳасига тааллуқли.  

“АҚШнинг сиёсати кўп жиҳатдан провокацион, мустамлакачилик характерига эга эканлиги, бу ҳақда кеча президент ҳам айтгани яққол кўриниб турибди”, дейди Кремль вакили. 

Бундан ташқари, Песков Украинани “демилитаризация” бўйича сезиларли муваффақиятлар ҳақида маълум қилди. 

Буни "махсус ҳарбий операция" мақсадларидан бири, яъни Украинани "демилитаризация қилиш" нинг бажарилиши деб ҳисоблаш мумкинми, деган саволга жавобан Песков шундай изоҳ берди:  

"Демилитаризацияда сезиларли ютуқлар борлигини айтиш мумкин”. 

Шу билан бирга, Кремль матбуот котибининг таъкидлашича, Москва Украина томонидан "қандайдир" тинчлик режасини тайёрлагани ҳақида ҳеч нарса билмайди. 

“Биз Президент (Украина) Владимир Зеленскийнинг турли қадамлар, тинчлик режаси ҳақидаги баёнотларини эшитдик. Аммо Президент Зеленскийнинг ҳозиргача айтган барча гаплари бугунги кунда шаклланган ва эътибордан четда қолдириб бўлмайдиган ҳозирги воқеликни ҳисобга олмасдан айтилди”, дейди Песков.