Путин америкалик журналист аёлга хушомад қилди

Олам

image

Россия Президенти Владимир Путин энергетика ҳафталигида модераторлик қилаётган АҚШнинг CNBC телеканали ходимини чиройли аёл деб атади. Бу ҳақда РИА Новости ёзмоқда

Қайд этилишича, Путин журналист аёлга хушомад қилиб, унинг чиройини мақтаган бўлса-да, лекин журналист янглишаётгани сабабли у билан газ ҳақидаги суҳбат ўхшамаётганини таъкидлаган. 

Журналист Россия газ қувурлари орқали энергия бермай туриб, қандай қилиб Европа Иттифоқининг ишончига кирмоқчилиги ҳақида сўраган.

“Чиройли аёл, келишган ... Лекин мен боғдан келсам, у тоғдан келяпти. Гўё у менинг гапларимни эшитмагандек”, дейди Президент.

Путиннинг таъкидлашича, журналистнинг Европага ёқилғи етказиб берилмаётгани ҳақидаги сўзлари ҳақиқатга тўғри келмайди, чунки Газпром қазиш ишларини 10 фоизга, умуман мамлакат эса 15 фоизга оширган.

Сўнгги ҳафталарда жаҳонда энергия нархининг рекорд даражада ошиши кузатилди. Мутахассислар фючерслар нархининг кескин кўтарилишини Европада газни ер ости омборлари билан тўлдиришнинг пастлиги, шунингдек, Осиёда сиқилган табиий газга бўлган талабнинг юқорилиги билан изоҳламоқда. Владимир Путин Россия ёқилғи билан вазиятни барқарорлаштиришга ёрдам беришга тайёр эканини маълум қилган.


Мақола муаллифи

Теглар

Баҳолаганлар

1971

Рейтинг

3

Мақолага баҳо беринг

Дўстларингиз билан улашинг