Путин 13 йил ичида илк бор Чеченистонга борди
Олам
−
21 Август 7062
Россия Президенти Владимир Путин кеча, 20 август куни кечқурун Чеченистонга борди. Президентни Грозний аэропортида республика раҳбари Рамзан Қодиров кутиб олди. Бу ҳақда РИА Новости хабар берди.
Рамзан Қодиров чечен халқи мамлакат Президенти Владимир Путиннинг келганидан хурсанд эканини айтган. Шунингдек, у давлат раҳбари 2011 йилдан буён минтақага ташриф буюрмаган бўлса-да бўлаётган барча воқеалардан хабардор эканини таъкидлаган.
“Тўғриси, кўп бўлмади, 13 йил биз учун тез ўтди, энди республикага Президент келганидан хурсанд бўлишади. У ҳамма нарсани билади, яхши хотирага эга, республика ҳақида савол берганида, сиз адашиб қоласиз, билмайман, лекин у билади”, деган Қодиров.
Унинг таъкидлашича, Россия Президенти бутун давр мобайнида Чеченистон ривожланишини “қўл билан бошқарган”.
Эслатиб ўтамиз, аввалроқ, Владимир Путиннинг Озарбайжонга боргани хабар қилинган эди.
