Putin 13 yil ichida ilk bor Chechenistonga bordi

Rossiya Prezidenti Vladimir Putin kecha, 20 avgust kuni kechqurun Chechenistonga bordi. Prezidentni Grozniy aeroportida respublika rahbari Ramzan Qodirov kutib oldi. Bu haqda RIA Novosti xabar berdi.

Ramzan Qodirov chechen xalqi mamlakat Prezidenti Vladimir Putinning kelganidan xursand ekanini aytgan. Shuningdek, u davlat rahbari 2011 yildan buyon mintaqaga tashrif buyurmagan bo‘lsa-da bo‘layotgan barcha voqealardan xabardor ekanini ta’kidlagan.

“To‘g‘risi, ko‘p bo‘lmadi, 13 yil biz uchun tez o‘tdi, endi respublikaga Prezident kelganidan xursand bo‘lishadi. U hamma narsani biladi, yaxshi xotiraga ega, respublika haqida savol berganida, siz adashib qolasiz, bilmayman, lekin u biladi”, degan Qodirov.

Uning ta’kidlashicha, Rossiya Prezidenti butun davr mobaynida Checheniston rivojlanishini “qo‘l bilan boshqargan”.

Eslatib o‘tamiz, avvalroq, Vladimir Putinning Ozarbayjonga borgani xabar qilingan edi.