Польша украиналик қочқинлардан нафақа пулини қайтаришни талаб қилмоқда
Олам
−
14 Январь 2023 13146
Польшада нафақа олган украиналик қочқинлар маҳаллий ижтимоий хавфсизлик хизматининг пулни қайтаришни талаб қилган хатидан шикоят қилди. Бу ҳақда "Обозреватель" хабар берди.
"Қочқинлар Польшадан Украинага кетаётганда, бу ҳақда расмийларга хабар бериши керак, шунда улар пул тўлашни тўхтатадилар. Аммо ёзда қайтиб кетган украиналиклар, барча талабларга жавоб беришларига қарамай, қўшимча пул олишган. Энди эса Польша барча пулни қайтариб беришни талаб қилмоқда”, дейилади хабарда.
Гап 18 ёшгача бўлган болалар учун ойлик нафақалар ҳақида бормоқда. Шу билан бирга, Польшани тарк этганлар хатолик туфайли тўланган нафақалардан фойдалана олмаганлар, дея аниқлик киритди нашр.
Аввалроқ Польша ОАВлари Варшава украиналик қочқинлар учун ҳужжатларни ноқонуний равишда бекор қилаётгани ва ижтимоий ёрдам кафолатлангани ҳақида ёзган эди.
Ўтган йил бошида Польша украиналик қочқинларга ёрдам бериш дастурларини босқичма-босқич бекор қила бошлаган эди. Шундай қилиб, имтиёзлар миқдорини камайтириш орқали маҳаллий ҳокимиятлар украиналикларни иш қидиришга мажбурламоқчи бўлди.
Россия-Украина уруши бошланганидан бери Польшага етти миллиондан ортиқ украиналик келган. Қочқин мақоми уларга турли моддий ёрдам олиш ҳуқуқини беради. Шу билан бирга, 50 миллиондан ортиқ одам аллақачон чиқиб кетган.
Live
Барчаси