Pepsi ўқитувчиларга табрик йўллади

INTERNATIONAL BEVERAGES ТАSHKENT компанияси (PepsiCо'нинг Ўзбекистондаги расмий боттлери) жамоаси азиз устозларни Ўқитувчи ва мураббийлар куни муносабати билан самимий муборакбод этади! Сиз, қадрли инсонларнинг ёш авлод таълим-тарбияси йўлидаги заҳмат ва меҳнатларингиз, юртимиз равнақига қўшаётган беқиёс ҳиссангизни бугун ҳар қанча эътироф этсак оз!

Ҳар йили Ўзбекистонда 1 октябрь санаси дунёдаги энг шарафли касблардан бири — Ўқитувчи ва мураббийлар куни сифатида кенг нишонланиши ҳам бежиз эмас, аслида. Зеро, Сиз ёшларнинг салоҳият ва истеъдодини юзага чиқарувчи, ҳар биримизга тўғри йўл кўрсатиб, ўсиш ва муваффақиятларга эришишга кўмаклашувчи касб соҳибларисиз.

Ушбу қутлуғ айём муносабати билан мамлакатимиздаги барча ўқитувчи ва мураббийларга чуқур эҳтиром билдирган ҳолда компаниямиз махсус ташкил этилган концерт дастурининг расмий ҳамкори бўлди. Шунингдек, ижтимоий тармоқларда ўқувчилар фикри бўйича энг яхши устоз ва мураббий учун овоз бериладиган махсус танлов эълон қилдик. Ушбу танлов натижаларига кўра, ғолиблар ва иштирокчиларга қимматбаҳо эсдалик совғалари тақдим этилади. 

Касби улуғ, қадри баланд азиз устозлар! Сизни яна бир бор гўзал айёмингиз билан қутлаймиз! Келгусидаги фаолиятингизда муваффақият ва зафарлар ёр бўлишини тилаб қоламиз!

Instagram’да янгиликлардан хабардор бўлинг

Реклама ҳуқуқи асосида