Париж Олимпиадаси ғолибларига қанча пул берилиши эълон қилинди

Ўзбекистон Республикаси Президентининг “Ўзбекистон спортчиларининг навбатдаги ёзги ва қишки олимпия ҳамда паралимпия ўйинларида муваффақиятли иштирок этиши учун тайёргарлик ишларини жадаллаштириш тўғрисида”ги қарори қабул қилинди. 

Қарорга кўра, 2024 йил Париж шаҳрида (Франция) бўлиб ўтадиган XXXIII ёзги Олимпия ва XVII Паралимпия ўйинларида ғолиб ва совриндор бўлган Ўзбекистон спортчилари қуйидаги миқдорда бир марталик пул мукофоти билан рағбатлантирилади:

• олтин медаль учун – 200 000 АҚШ доллари;
• кумуш медаль учун – 100 000 АҚШ доллари;
• бронза медаль учун – 50 000 АҚШ доллари.

Мазкур харажатлар Давлат бюджети маблағлари ҳисобидан қопланади.

Эслатиб ўтамиз, Токиода ўтказилган Олимпия вa Паралимпия ўйинларида совриндор бўлиб қайтган спортчиларга ҳам худди шу миқдордаги бир марталик пул мукофотлари берилган эди. Бундан ташқари, Токио-2020 қаҳрамонларига олтин медаль учун Tahoe, кумуш медаль учун Traverse вa бронза медаль учун Trailblazer автомобиллари ҳамда Тошкент шаҳридан уй ҳадя қилинган эди.

Шахбоз Қаҳҳоров