P.Diddi’ни судга берганлар сони яна 6 тага кўпайди

Нью-Йорк федерал судида P.Diddi номи билан танилган америкалик мусиқа продюсери ва рэпер Шон Комбсга нисбатан зўрлаш ва таъқиб қилишда айбланиб, олтита янги даъво қўзғатилди. Бу ҳақда “Associated Press” хабар берди.  

Даъвогарлардан бири 16 ёшида зўравонликка учраганини даъво қилмоқда. Баъзи эпизодлар, даъволарга кўра, P.Diddi’нинг "оқ базмлар" деб аталадиган жойларида бўлиб ўтган.

Барча олтита даъво хавфсизлик нуқтаи назаридан аноним тарзда топширилган.

Улардан иккитасини аёллар, яна тўрттасини эркаклар топширган.

Улар Шон Комбсни "ўз шон-шуҳратидан фойдаланган" ва уни зўравонлик ва таъқибларга учраган "дабдабали зиёфатларга жалб қилиш" орқали карьерасида ўз ёрдамини ваъда қилганини даъво қилмоқда.

Баъзи даъвогарларнинг сўзларига кўра, рэпер ўз талабларини бажаришдан бош тортган ёки унга қарши оммавий чиқишни режалаштирганларни ўлдириш билан таҳдид қилган.

Адвокат Тони Бузбининг 2 октябрь куни маълум қилишича, 120 киши P.Diddi’га қарши даъво аризаси бериш жараёнида, улардан 25 нафари зўравонлик вақтида вояга етмаган.

Ҳимоячининг сўзларига кўра, баъзи ҳолларда зиёфатларда қурбонларнинг ичимликларига номаълум моддалар, жумладан, гиёҳванд моддалар аралаштириб юборилган. Суд жараёнлари 1991 йилдан бери содир бўлган зўравонлик ҳолатларини ўз ичига олади.

18 сентябрь куни 54 ёшли Шон Комбсга “йирик жиноий корхона” ташкил этиш, одам савдоси ва бошқа бир қанча жиноятларда айблов қўйилди.

У ҳибсга олинган ва гаров пулисиз Бруклин федерал қамоқхонасида сақланмоқда. Рэпер барча айбловларни рад этди.

Эслатиб ўтамиз, аввалроқ рэпер Шон Комбс АҚШ федерал агентликлари прокурорлари ва ходимлари устидан судга мурожаат қилганди.