Nike моторли кроссовкаларни намойиш этди

Американинг спорт кийимлари ва пойабзал компанияси Nike “Project Amplify” номли моторли кроссовкалар прототипини намойиш этди. Бу ҳақда компания ўзининг интернет саҳифасида хабар берди.

Қайд этилишича, қурилма болдир ва тўпиқнинг табиий ҳаракатларини кучайтириш учун мўлжалланган. Кроссовкага мотор, узатма тасмаси ва қайта қувватланадиган манжетли батарея ўрнатилган. Пойабзалнинг ўзини қурилма билан ҳам, қурилмасиз ҳам кийиш мумкин.

Ушбу кроссовкалар профессионал спортчиларга эмас, кундалик ҳаётида узоқ масофаларни босиб ўтадиган ёки кўпроқ югуришни режалаштирганлар учун мўлжалланган.  У фойдаланувчига тезроқ ҳаракатланиш ва узоқ масофа босиб ўтишга ёрдам беради.

“Project Amplify” моҳиятига кўра, ушбу оёқ кийимлар қадамингизга бироз кўпроқ қувват қўшади. Ўйлаганингиздан кўра кўпроқ нарса қила олишингизни англаш завқ бағишлайди, бу сиз учун нимани англатишидан қатъи назар", дея тушунтирди Nike компанияси вице-президенти Майкл Донагу.

Ҳозирча “Project Amplify”  синов босқичида. Пойабзаллар сотувга бир неча йилдан кейин чиқиши мумкин.

Эслатиб ўтамиз, аввалроқ Американинг OpenAI компанияси 21 октябрь куни ўтказилган тақдимотда сунъий интеллект асосида яратилган янги ChatGPT Atlas браузерини тақдим этганди.