Неча марта Зеленскийни ўлдиришга уринилгани очиқланди

Украина Президенти Владимир Зеленский ўзига қилинган ўндан ортиқ суиқасд уринишларидан омон қолган. Бу ҳақда Россия билан музокараларда қатнашаётган Украина делегацияси аъзоси, Президент девонхонаси раҳбари маслаҳатчиси Михайло Подоляк маълум қилган. 

"Хорижий ҳамкорларимиз икки-уч уриниш ҳақида гапиришмоқда. Менимча, бундай уринишлар ўндан ортиқ бўлган. Чунки бизда доимий равишда ҳукумат кварталига киришни истаган Саботаж ва разведка гуруҳлар борлиги ҳақида тезкор маълумотлар бор ва ҳоказо. Бизда жуда кучли разведка ва контрразведка тармоғи мавжуд – улар ҳаммасини кузатиб борадилар ва бу Саботаж ва разведка гуруҳларнинг барчаси йўлда йўқ қилинмоқда. Яъни, биз барча режаларни тушунамиз ва бизнинг контрразведка бу масалалар устида ишламоқда”, дейди Подоляк.

Эслатиб ўтамиз, ўтган ҳафтада Буюк Британиянинг “The Times” газетаси Украина Президенти Владимир Зеленский камида учта суиқасддан омон қолгани ҳақида ёзган эди. 

Нашр маълумотларига кўра, Украина Президентини ўлдириш топшириғи билан мамлакатга икки гуруҳ – “Вагнер” гуруҳи ёлланма аскарлари ва чечен махсус кучлари юборилган. Газетанинг ёзишича, барча суиқасд уринишлари Украинадаги урушга қарши чиққан Федерал хавфсизлик хизмати ходимларининг ҳаракатлари туфайли барбод бўлган.