Мирзиёев рафиқаси билан Қирғизистонга етиб борди
Жамият
−
26 Январь 2023 17784
Бугун, 26 январь куни Ўзбекистон Республикаси Президенти Шавкат Мирзиёев рафиқаси Зироат Мирзиёева билан Қирғизистонга етиб борди. “Манас” халқаро аэропортида олий мартабали меҳмонларни Қирғиз Республикаси Президенти Садир Жапаров ва унинг рафиқаси Айгул Жапарова кутиб олди.
ЎзАнинг маълум қилишича, Қирғизистонга давлат ташрифи билан борган Президент Шавкат Мирзиёев “Ата-Бейит” миллий тарихий-ёдгорлик мажмуасига ташриф буюради.
Мирзиёев 1916 йилги фожиали воқеаларнинг қурбонлари хотирасига бағишланган ёдгорлик пойига гулчамбар қўйиши кўзда тутилган. Шунингдек, Президент ёзувчи Чингиз Айтматовнинг қабрини ҳам зиёрат қилади.
Давлат ташрифининг асосий тадбирлари эртага, 27 январь кунига мўлжалланган.
Live
Барчаси