Месси FIFA кунларидан сўнг, мукаммал кўринишда бўлади – Почеттино

Спорт 1311
image

Кеча, 29 август куни ПСЖ бош мураббийи Маурисио Почеттино Лионель Мессининг жамоадаги дебютини юқори баҳолади. Аргентиналик футболчи “Реймс”га қарши учрашувнинг 66-дақиқасида Неймарнинг ўрнига майдонга тушди. 

“Лео эндигина майдонга тушди, лекин тўпга биринчи тегиши жамоа ўйинига ишонч қўшди. Ҳатто Мессидек футболчи учун ҳам яхши дебют қилиш муҳим. У ўйинга яхши қўшилди. Месси ҳали ҳам энг яхши формасини тиклаб олгани йўқ, лекин яхши тайёргарлик кўрмоқда. FIFA кунларидан сўнг, у мукаммал кўринишда бўлади”, дейди Почеттино.

Эслатиб ўтамиз, ПСЖ Килиан Мбаппенинг дубли эвазига “Реймс”ни мағлуб этди ва турнир жадвалида 1-ўринга кўтарилиб олди.

Маълумот учун, Месси 31 дақиқа майдонда ҳаракат қилиб, дарвозага аниқ зарба бермади. Лекин 21 узатмадан 20 таси жамоадошларига етиб борган. Паслар аниқлиги – 95,2 фоиз.

Ҳумоюн Орипов
Мақолага баҳо беринг
Баҳолаганлар: 37
Рейтинг: 3
t
×