Мбаппе ПСЖда урган голлари сони бўйича Каванига тенглашди
Спорт
−
27 Февраль 2023 2759
ПСЖ клуби ҳужумчиси Килиан Мбаппе “Марсел” билан учрашувда дубл қайд этиб, терма жамоа сафида киритган голлар сонини 200 га етказди. Сўнгги бор ПСЖда ушбу натижани клубнинг собиқ ҳужумчиси Эдинсон Кавани қайд этган. Бу ҳақда “Sports.ru” нашри хабар берди.
Кеча, 26 февраль куни ПСЖ клуби “Марсел”ни 3:0 ҳисобида мағлуб этди. Учрашувда Мбаппе 2 та гол урган. Бу унинг Париж клуби сафидаги 200-голи бўлган. Ушбу ҳисобни ундан олдин собиқ ПСЖ ҳужумчиси Кавани ҳам қайд этган. Аммо уругвайлик футболчи бу натижага эришиш учун клуб сафида 301 ўйин ўтказган. Мбаппе учун эса 246 ўйин кифоя қилган.
Таъкидлаш жоизки, ҳозирда “Валенсия” жамоаси сафида тўп сурувчи ҳужумчи Эдинсон Кавани 2013–2020 йиллар давомида ПСЖда тўп сурган. Килиан Мбаппе эса 2017 йилдан буён Париж клубида ўйнаб келмоқда.
Муштарий Ғаниева
Live
Барчаси