Маск “арраси”нинг кейинги нишони “махфий хизматлар” бўлaди

АҚШ Ҳукумат самарадорлиги департаменти раҳбари Илон Маск федерал ҳукумат бўйлаб харажатларни қисқартириш ишини Марказий разведка бошқармасида (МРБ) давом эттиради. Бу ҳақда МРБ вакили “Nyu York Post”га маълум қилди.

Қизиғи шундаки, ҳозирда янги ташкил қилинган Трамп маъмуриятининг Ҳукумат самарадорлиги департаменти (DOGE) раҳбари Илон Маскни бу борадаги муҳокама учун Марказий разведка бошқармаси директорининг шахсан ўзи Жон Ратклиффни таклиф қилган. 

Янги пайдо бўлган агентлик сўнгги ҳафталарда Таълим Департаменти, USAID, Истеъмолчиларни молиявий ҳимоя қилиш бюроси ва ҳаттоки Пентагонда оммавий ишдан бўшатиш ва катта ҳажмдаги бюджетни қисқартириш ишларини бошлаб юборди.

Жумладан, Мудофаа вазири Пит Ҳегсетнинг ҳисоб-китобига кўра, DOGE ҳозиргача Пентагонда тахминан 800 миллион доллар миқдордаги тежаб қолиниши мумкин бўлган маблағни аниқлаган. Унинг сўзларига кўра, қисқартиришлар "солиқ тўловчиларнинг долларлари исроф қилинаётган қатор лойиҳалар, хусусан, инклюзив дастурлар билан боғлиқ.

"Мен қисқартиришларда эҳтиёткор бўлишни хоҳлаётганимизга қўшиламан. Шундай қилиб, биз уч марта бўлмаса ҳам, икки марта ўлчашни ва бир марта кесишни хоҳлаймиз. Ва аслида, бу бизнинг ёндашувимиз", дея таъкидлаганди Маск 28 март куни “Fox News” телеканалига берган интервьюсида.

Марказий разведка бошқармаси Маскнинг бу турдаги агентликларга қиладиган дастлабки ташрифи эмас. У шу ой бошида Миллий хавфсизлик агентлиги расмийлари билан ҳам бошқармада "таъмирлаш ишлари" ўтказиш учун учрашган.

Маълумот ўрнида, Маск Трамп маъмуриятида таниқли шахс сифатида пайдо бўлди, ҳукумат йиғилишларида қатнашди ва Овал кабинетда Президент билан қўшма матбуот анжуманлари ўтказди. Лекин унинг “эркин ғилдиракли” услуби ва қуруқ сўзлар билан бўш бўлган тенденцияси баъзиларнинг ҳафсаласини пир қилаётгани айтилмоқда.