Kremlga malomatlar qilgan Pompeo Putinni bir jumla bilan tarifladi

AQSH Markaziy razvedka boshqarmasi va Davlat departamentining sobiq rahbari Mayk Pompeo C-SPAN kanali efirida Rossiya Prezidenti Vladimir Putin qanday rahbar ekanini tariflab berdi.

“Juda tushunarli, juda qobiliyatli, men uni aql bovar qilmaydigan darajada hurmat qilaman. Meni bunday so‘zlar uchun tez-tez tanqid qilishardi”, degan siyosatchi.

Uning so‘zlariga ko‘ra, Putin yaxshi ma’lumotga ega va Rossiya manfaatlarini aniq ifodalaydigan “ajoyib suhbatdosh”. Pompeoning so‘zlariga ko‘ra, amerikalik muzokarachilar belgilangan darajaga yetishi kerak bo‘lgan.

“Men uni hamma narsani hisoblab chiqadigan murakkab shaxs sifatida ko‘raman. Biz u bilan rozi bo‘lmasligimiz mumkin, ammo u baribir o‘z bilganini qiladi” deya qo‘shimcha qilgan sobiq Davlat kotibi.

Qayd etish kerakki, AQSHning 45-Prezidenti Donald Tramp davrida Davlat kotibi lavozimini egallagan Pompeo hukumat a’zosi bo‘lgan vaqtida Rossiya hukumati va Kremlga qarshi ko‘plab malomatlar yog‘dirgan.