Коррупционерлар реестри яратилади

Олам

−

17 Сентябрь 2023 visibility7325 timer1 дақиқа

Қозоғистон коррупцияга қарши кураш хизмати коррупционер мансабдор шахсларнинг давлат реестрини жорий этиш режасини эълон қилди. Бу ҳақда “Vlast.kz” хабар берди.

“Реестрга коррупцияда айбдор деб топилган шахс ҳақидаги барча маълумотлар киритилади. Бу иш берувчиларга потенциал номзодни поклик ва ҳалоллик бўйича текшириш имконини беради”, дейилади хабарда.

Шунингдек, коррупцияга оид ҳуқуқбузарликларни содир этганлик учун юридик шахсларнинг жавобгарлигини кучайтириш таклиф этилмоқда.

Бундан ташқари, парламентда пора бериш ваъдаси ва таклифини жиноий жавобгарликка тортиш масаласи ҳам кўриб чиқилмоқда.

“Пора таклифи деганда оғзаки ёки ёзма, шу жумладан, электрон шаклдаги аниқ ва тушунарли баёнот тушунилади. Пора бериш ваъдаси эса, вақти, жойи кўрсатилган ҳолда билдирилган аризадир”, деб тушунтирган коррупцияга қарши хизмат.

Мақола муаллифи