Хорватия Шенген ҳудудига қўшилди

Хорватия 2023 йил 1 январдан бошлаб Шенген ҳудудига қўшилди. Бу ҳақда Европа Иттифоқи кенгаши ўз сайтида хабар берди.

Қайд этилишича, қарор Европа Иттифоқига аъзо давлатлар овоз берганидан сўнг қабул қилинган.

Шунингдек, 1 январдан бошлаб Хорватия ва Шенген зонасининг бошқа мамлакатлари ўртасида қуруқлик ва денгиз чегараларини кесиб ўтиш вақтида текширувлар бекор қилинади.

26 мартдан ички ҳаво чегараларида текширувлар бекор қилинади.

Бундан ташқари, Хорватия Шенген визалари бериш ва Шенген мамлакатларида қолиш қоидаларини бузган хорижликларнинг маълумотларини йиғувчи Шенген ахборот тизимидан фойдаланиш ҳуқуқини қўлга киритди. 

Икки ҳафта давомида миллий валюта – куна ва евродан параллел равишда мамлакат ҳудудида фойдаланиш мумкин. Куна 1994 йилдан бери муомалада бўлган. Европа валютаси анчадан бери бу мамлакатда муомалада бўлган, ундан энг кўп мулк ва автомобил сотувида фойдаланилган.

Маълумот ўрнида, 3,9 миллион аҳолиси бўлган Хорватия Европа Иттифоқига 2013 йил 1 июлда аъзо бўлган эди. Орадан қарийб ўн йил ўтгач, у Шенген зонаси ва еврозонага қўшилди. Шундай қилиб, Шенген ҳудудидаги аъзолар сони 27 га етди.

Соҳиба Комиловна