Хорхе Месси “Барселона” раҳбарлари билан боғланди. Лео Каталонияга қайтмоқчими?
Спорт
−
14 Март 2022 3689
Месси "Барселона"га қайтиши мумкин
34 ёшли аргентиналик футболчи Лоинель Мессининг отаси Хорхе Месси бир неча кун олдин Каталониянинг “Баселона” клуби раҳбарияти билан боғланган. Бу Лионелнинг “Барса”га қайтиши эҳтимолини кўриб чиқиш учун қилинган бўлиши мумкин. Бу ҳақда “Cаnаl Supporters” журналисти Адриен Грениесо каталониялик инсайдер Жерар Ромерога таяниб хабар берган.
Месси 2000 йилдан 2021 йилгача “Барселона” тизимида бўлган. Лионель 2021 йилнинг ёзида шартномаси тугаганидан кейин ПСЖга ўтган эди.
Маълум бўлишича, Лео ПСЖни тарк этиш ниятида эмас, у бор эътиборини ЖЧ-2022га қаратган ва клуб унга тайёргарлик кўриш учун барча имкониятларни тақдим этмоқда. Мессининг ўзи эса Францияга анча мослашиб қолган.
Эслатиб ўтамиз, ушбу мавсумда Месси Париж клуби сафида 26 та учрашувда 7 та гол урди ва 11 та голли узатмани амалга оширди.
Маъруф Абдумаликов
Live
Барчаси