Канада 20 минг афғонистонлик қочқинларни қабул қилмоқчи

Олам

image

Канада ҳукумати “Толибон” жангарилари томонидан уюштирилган ҳужумда азият чеккан 20 минг афғон қочқинларини қабул қилишга тайёр. Бу ҳақда мамлакатнинг Иммиграция, қочоқлар ва фуқаролик ишлари вазири Марко Мендисино маълум қилди.

“Толибон” Aфғонистон ҳудудини бирма-бир эгаллаб олаётган вақтда, тобора кўпроқ афғонларнинг ҳаёти хавф остида қолмоқда. Кўпчилик аллақачон мамлакатни тарк этган. Шу сабабли Мудофаа вазири Харжит Сингх Сажан ва Ташқи ишлар вазири Марк Гарно Канадага “Толибон” таҳдиди остида бўлган 20 минг афғонни қабул қилишини эълон қилди. Улар учун махсус ёрдам дастурлари ишга туширилади”, дейди вазир Марко Мендисино

Маълум бўлишича, афғон қочқинларини қабул қилиш бўйича ҳаракат аллақачон бошланган. Қочқинлар ўтирган самолётнинг биринчиси Торонтога қўнган.

Таъкидланишича, Aфғонистонда расмий лавозимларда ишлаган аёллар, давлат хизматчилари, таржимонлар, Aмерика ва бошқа Ғарб давлатлари билан ҳамкорлик қилганларнинг ҳаёти катта хавф остида қолмоқда.

Маълумот ўрнида, “Толибон” мамлакат ҳудудининг 60 фоиздан 85 фоизгача, шу жумладан, беш давлат билан чегарадош ҳудудларни назорат қилмоқда. 12 август куни улар Қандаҳор ва Ҳирот каби бир қатор йирик шаҳарларини ҳам эгаллаб олди.


Мақола муаллифи

Теглар

Баҳолаганлар

236

Рейтинг

2.9

Мақолага баҳо беринг

Дўстларингиз билан улашинг