Қрим раҳбари Украина билан музокараларга тайёрлигини айтди

Олам 2409
image

Қрим раҳбари Сергей Aксёнов Украина расмийлари билан ярим оролнинг Россияга тегишлилиги мақомини тан олиш бўйича музокараларга тайёрлигини билдирди. Бу ҳақда РИА Новости хабар бермоқда. 

Aввалроқ, ОAВда Украина Ташқи ишлар вазирлиги матбуот котиби Екатерина Зеленко ҳар қандай форматдаги музокараларга тайёрлигини эълон қилган эди, унинг асосий мақсади Қрим устидан Украина суверенитетини тиклаш бўлиши керак.

"Қримни улар учун Россия сифатида тан олиш бўйича музокаралар олиб бориладими? Илтимос, савол биз учун ёпиқ. Фақат уларни тан олиш керак. Aгар шу хусусда музокаралар бўлса, Худога шукур, уларни тан олсин",деди Aксенов журналистларга. 

У яна бир бор, 2014 йилда қримликларнинг танлови якуний бўлганини ва бу масала бўйича ҳеч қандай мунозара бўлмаслиги мумкинлигини эслади. "Бу масалада Украина сиёсатчилари мустақил эмаслар. Россия абадий эканини англашлари билан, мамлакатларимиз ўртасидаги муносабатлар тезроқ яхшиланади ва нормал ҳолатга қайтади",  дея қўшимча қилди Aксёнов.

Эслатиб ўтамиз, Қрим ярим ороли Украина таркибидан 2014 йилда референдум орқали чиқиб, Россия томонига ўтганини даъво қилади. Дунё ҳамжамияти эса, Қрим Россия томонидан аннексия қилинган деган фикрни илгари суради.

Акбаржон Абдураимов
Мақолага баҳо беринг
Баҳолаганлар: 65
Рейтинг: 2.9
Будьте в курсе событий!
×