Qozog‘istonda YTHga uchragan o‘zbekistonlik ortga qaytarildi

Jamiyat

−

14 iyul 2022 visibility7083 timer1 daqiqa

Qozog‘istonning Olma-ota viloyatida yo‘l-transport hodisasiga uchrab, shifoxonada yotgan o‘zbekistonlik Vatanga qaytarildi. Bu haqda Tashqi mehnat migratsiyasi agentligi xabar berdi.

Qayd etilishicha, Olma-ota viloyatida vaqtincha mehnat faoliyatini amalga oshirish davrida joriy yil 14 may kuni YTHga uchrab, shifoxonaga yotqizilgan M.A.ning qarindoshlari Tashqi mehnat migratsiyasi agentligiga murojaat qilib, uni O‘zbekistonga qaytarishni so‘ragan.

“Ushbu murojaat Tashqi mehnat migratsiyasi agentligining Qozog‘iston Respublikasidagi vakili va mamlakatimizning Olma-ota shahridagi Bosh konsulxonasi hamkorligida tezkorlik bilan o‘rganilib, zarur hujjatlar rasmiylashtirilgach, maxsus avtomobilda shifokor hamrohligida Vatanga qaytarildi”, deyiladi xabarda.

Maqola muallifi