Қозоғистон пойтахтида карантин чоралари кучайтирилади

Кеча, 15 март куни Нур-Султоннинг бош давлат санитария шифокори Сарҳат Бейсенова Қозоғистон пойтахтида карантин чораларини кучайтириш тўғрисидаги янги фармонни имзолади. Бу ҳақда “Tengrinews” хабар бермоқда.

Пойтахт аҳолиси ва меҳмонларига қуйидагилар тақиқланади:

Оммавий тадбирлар (зиёфатлар, тўйлар, юбилейлар, эсдаликлар ва бошқалар)ни уйда ўтказиш, шунингдек, байрамона корпоратив тадбирлар, митинглар, кортежлар, йиғилишларни ташкил этиш ва ўтказиш;

Фаолияти қайта тикланмаган объектларга ташриф буюриш: боулинг марказлари, компьютер клублари (Ashyq пилот лойиҳасида иштирок этадиган объектлар бундан мустасно), кинотеатрлар, кино заллари, бильярд хоналари, караоке, трамполинлар, тунги клублар, букмекерлар ва ўйин клублари, ёпиқ жойларда лотереялар, ўйин майдончалари ва диққатга сазовор жойлар.

Шунингдек, пойтахт аҳолисидан жамоат жойларида, шу жумладан шаҳар жамоат транспортида ва фаолиятига рухсат берилган объектларга боришда, шунингдек жамоат жойларида тиббий ниқобларни кийиш, масофани сақлаш ва антисептиклардан фойдаланиш сўралган.