Islom sivilizatsiyasi markazi yaqinidagi uyga o‘t ketdi (video)
3-sahifa
−
20 aprel 6010 1 daqiqa
Bugun, 20 aprel kuni Toshkent shahridagi uylardan birida yong‘in chiqdi. Bu haqda poytaxt Favqulodda vaziyatlar bosh boshqarmasi xabar berdi.
Qayd etilishicha, soat 16:14 da Olmazor tumani, Chuvalachi ko‘chasida joylashgan shaxsiy xonadon yonayotgani to‘g‘risida xabar tushgan. Xabarga ko‘ra, qutqaruv ekipajlari voqea joyiga soat 16:20 da yetib borib, hozirda yong‘in o‘chirish ishlari olib borilmoqda.
Yong‘in oqibatida tan jarohati olganlar to‘g‘risida ma’lumot yo‘q. Vaziyat Toshkent shahar FVBB tomonidan to‘liq nazoratga olingan. Qo‘shimcha ma’lumot taqdim etiladi.
Eslatib o‘tamiz, avvalroq Toshkent viloyatining O‘rta Chirchiq tumanidagi xonadonda portlash sodir bo‘lgani va oqibatda 4 kishi vafot etgan haqida xabar berilgan edi.
