ИШИД ва бошқа террорчилар МДҲ ҳудудига киришга уриняпти – Путин

ИШИД ва бошқа террорчилик гуруҳлари МУСТАҚИЛ Давлатлар Ҳамдўстлиги ҳудудига кириб боришга ҳаракат қилмоқда. Бу ҳақда Россия Президенти Владимир Путин бугун, 26 октябрь куни куни ташкилот давлатлари Хавфсизлик ва разведка идоралари раҳбарлари кенгашининг 51-йиғилиши делегациялари раҳбарлари билан учрашувда айтиб ўтди.

“Ҳамдўстлик ҳудудидаги таҳдидлар ҳақида гапирар эканман, ИШИД, “Ал-Қоида” ва бошқа террорчилик гуруҳлари томонидан хавф-хатарлар камаймаяпти. Улар МДҲ давлатларига кириб боришга, конспиратор ячейкалар тузишга ҳаракат қилмоқдалар ва жангари гуруҳларнинг Афғонистонда, айниқса, Марказий Осиё республикалари билан чегаралар яқинида тўпланиши, албатта, бу минтақага бостириб киришнинг потенциал хавфини туғдиради”, деб таъкидлади Россия раҳбари.

Путиннинг сўзларига кўра, умуман Ҳамдўстлик ҳам, унинг алоҳида давлатлари ҳам ҳалигача бундай мураккаб таҳдидларга дуч келмаган.

“Бизнинг умумий вазифамиз эса халқларимизни улардан имкон қадар ҳимоя қилиш, МДҲ маконида барқарорлик ва тинчликни мустаҳкамлаш, сўнгги ўн йилликларда чинакам шериклик муносабатлари намунасига айланган ўзаро манфаатли интеграция жараёнларини ривожлантиришни давом эттиришдан иборат”, деб таъкидлади у.

Россия Федерацияси Президентининг фикрича, бугунги кунда ушбу муаммоларни ҳал қилиш учун барча куч ва воситаларни сафарбар этиш муҳим аҳамиятга эга.

“Ва, албатта, тўпланган тажриба ва алоқалардан тўлиқ фойдаланиш, биз бир неча бор гувоҳи бўлганимиздек, ҳар бир хизмат салоҳияти ва самарадорлигини сезиларли даражада оширади”, дея хулоса қилди у.