Инқирозга қарши курашиш жамғармаси харажатлари 3,4 трлн сўмга оширилди

Жамият 1503
image

Коронавирус пандемиясига қарши курашиш тадбирлари дастлабки ҳисоб-китоблардан узоқроқ муддат давом этаётганлиги ва бу эса қўшимча харажатларни талаб этилганлиги боис, Инқирозга қарши курашиш жамғармаси харажатлари 10 трлн.сўмдан 13,4 трлн.сўмгача оширилди. Бу ҳақда Молия вазирлиги хабар берди.

Жамғарманинг оширилган 3,4 трлн сўмлик харажатлари қуйидаги манбалар ҳисобига қопланади:

•    1,7 трлн сўми Ўзбекистон Республикаси Вазирлар Маҳкамасининг 2020 йил 21 сентябрдаги 575-сонли қарорига асосан Ўзбекистон Республикаси Давлат бюджети харажатларининг мақбуллаштирилган маблағлари ҳисобидан;

•    1,7 трлн сўми Халқаро молия институтларининг имтиёзли кредитлари ҳисобидан.

Аввалроқ, Ўзбекистоннинг коронавирусга қарши курашиш учун олган қарзи 1 млрд доллардан ошгани хабар қилинганди.

Суннатилла Абдуллаев
Мақолага баҳо беринг
Баҳолаганлар: 22
Рейтинг: 3
t
×