Императорнинг “йўқолган олмоси” 100 йил ўтиб топилди

1918 йилдан бери йўқолган деб ҳисобланган Флоренция олмоси Канаданинг Квебек шаҳридаги банк омборидан топилди. Бу ҳақда “The New York Times” хабар берди.

Оғирлиги 137 каратдан ортиқ бўлган ушбу олмос омборда 100 йилдан ортиқ вақт давомида сақланган. Олмоснинг омборда экани ҳақида Габсбурглар оиласининг бошлиғи Чарльз Габсбург-Лотарингия маълум қилган.

Ҳажми бўйича ёнғоқ билан солиштириш мумкин бўлган олмос дунёда тўртинчи ўринда туради. Хазина Австрия-Венгрия империясининг қулаши олдидан император Карл I номидан 1918 йилнинг ноябрида Австриядан олиб кетилган. У Швейцарияга жўнатилган.

Чарльз I нинг рафиқаси император Зитага ҳурмат туфайли марваридларнинг жойлашуви ўнлаб йиллар давомида сир тутилган. У олмоснинг жойлашган жойини фақат иккита ўғлига маълум қилди ва 1922 йилда Чарльз I вафотидан кейин 100 йил давомида маълумот ошкор қилинмаслигини сўради. Оила фашистлардан қўрқиб, 1940 йилда Европадан АҚШга, кейин эса Канадага кўчиб ўтади. Имперторнинг хотини заргарлик буюмларини кичик чамадонда олиб юрди. 1953 йилда Зита Европага қайтиб келди, аммо олмосларни Квебек банкида сақлаш учун қолдирди.

Чарльз Габсбург-Лотарингия Флоренция олмоси Канададаги трестнинг бир қисмига айланишини эълон қилди. Оила яқин бир неча йил ичида марваридни Канада музейида намойиш этишни режалаштирмоқда.

Эслатиб ўтамиз, аввалроқ АҚШнинг Вайоминг штатида Чикаго университети олимлари 66 миллион йил аввал яшаган Edmontosaurus annectens  турига мансуб икки динозавр қолдиқларини топганди.