Ikki fuqaroda aniqlangan koronavirus sabab futbol federatsiyasi chempionat o‘yinlarini to‘xtatdi
Sport
−
13 mart 2020 6532
Koronavirus Qozog‘iston hududiga kirib borgani sabab, ommaviy sport musobaqalari to‘xtatildi.
Koronavirus infeksiyasining tarqalishining oldini olish munosabati bilan, Qozog‘iston futbol federatsiyasi rahbariyati futzal, sohil futboli, ayollar futboli, chempionatlar, kubok bahslari kabi ommaviy musobaqalarni vaqtincha to‘xtatish to‘g‘risida qaror qabul qildi.
Premer-liga va Qozog‘iston Respublikasi kubogi musobaqasi o‘yinlari yopiq eshiklar ortida o‘tkaziladi. Chempionat bahslariga ishtirokchilardan tashqari, faqat rasmiy shaxslar va xizmat ko‘rsatuvchi xodimlarga Qozog‘iston kubogi va chempionat bahslarini kuzatish uchun stadionlarga kirishga ruxsat beriladi. Barcha turdagi OAV vakillariga stadionlarga kirishlari taqiqlandi.
Eslatib o‘tamiz, biroz avval Qozog‘istonda ikki fuqaroda koronavirus aniqlangani xabar qilingan edi. Germaniyadan qaytgan fuqarolar Olma-ota shahrida izolyatsiyada saqlanmoqda.
Live
Barchasi
