Хорижий фуқаролар тиббий хизматлар учун оширилган миқдорда ҳақ тўлайди
Local
−
26 February 2019 5353 1 minute
Ўзбекистон Республикаси Вазирлар Маҳкамаси қарори билан Республика ихтисослаштирилган тиббиёт марказлари томонидан ташхис қўйиш ва даволаш сифати стандартларига риоя қилган ҳолда аҳолига пулли асосда юқори малакали ихтисослаштирилган тиббий ёрдам кўрсатиш қоидаларига ўзгартириш киритилди. Бу ҳақда Адлия вазирлигининг “Ҳуқуқий ахборот” каналида хабар берилди.
Киритилган ўзгартиришларга мувофиқ, хорижий фуқароларга кўрсатилган тиббий хизматлар учун ҳақ оширилган миқдорда бозор нархларидан келиб чиқиб тўланади.
Оширилган нархлар Соғлиқни сақлаш вазирлиги билан келишилган ҳолда республика ихтисослаштирилган тиббиёт марказлари томонидан белгиланади.
Илгари ушбу нарх умумий белгиланган нархлардан 20 фоизга оширилган ҳолда белгиланган эди.
Live
All