Григорий Лепс 60 ёшда! Президент уни мукофотлади

Маданият-санъат 7001
image

Асли келиб чиқиши грузиялик бўлган хонанда Григорий Лепс бугун, 16 июль куни 60 ёшни қаршилади. Россия Федерацияси Президенти Владимир Путин эса кеча, 15 июль куни хонанда Россия Федерацияси Халқ артисти унвони билан тақдирлаш ҳақидаги фармонни имзолади. 

Григорий Лепс 1962 йилнинг 16 июль куни Россиянинг Сочи шаҳрида дунёга келган. 

Президент томонидан имзолаган ҳужжат матнида ушбу унвон Григорий Лепсга “Эстрада санъатини ривожлантиришдаги улкан хизматлари учун” берилгани қайд этилган.

Григорий Лепс Россия ҳукумати томонидан 2011 йилда “Россияда хизмат кўрсатган артист”, 2017 йилда 2-даражали “Ватан олдидаги хизматлари учун” ордени билан, шунингдек, 2004 йилда “Ингушия Республикасида хизмат кўрсатган артист”, 2011 йилда “Қорачой-Черкасия Республикаси халқ артисти” унвонлари билан ҳам тақдирланган. Қолаверса, хонанда Россиянинг “Виктория”, “Олтин Граммофон”, “Йил қўшиғи” ва бошқа тақдирлаш маросимларида қатор мукофотларни қўлга киритган.

Григорий Лепс Ўзбекистон учун ҳам бегона эмас. У бир неча маротаба Тошкент шаҳридаги “Халқлар дўстлиги санъат саройи”да ўзининг яккахон концертлари билан чиқиш қилган. Қолаверса, 2009 йилда Гулнора Каримова ташаббуси билан ўтказилган M&TVA тақдирлаш маросимида махсус меҳмон сифатида иштирок этган. Шунингдек, Григорй Лепс таниқли тадбиркор, халқ орасида “Салимбойвачча” номи билан танилган Салим Абдувалиевнинг хонадонида турли йилларда меҳмон бўлган.

Улуғбек Худойберганов
Мақолага баҳо беринг
Баҳолаганлар: 124
Рейтинг: 3
t
×