Германияда поезд машина билан тўқнашиши оқибатида бир неча киши ҳалок бўлди
Олам
−
23 Апрель 2023 5185
Германиянинг Ганновер шаҳри яқинида поезд билан автомобиль тўқнашиб кетиши оқибатида уч киши ҳалок бўлди. Бу ҳақда "Deutsche Welle" нашри хабар берди.
Германия шимолидаги темирйўл кесишмасида поезднинг машинага бориб тўқнашиши оқибатида уч нафар шахс ҳалок бўлди.
Ҳодиса маҳаллий вақт билан соат 04:50 да содир бўлган. Полиция вакилининг сўзларига кўра, воқеа содир бўлган пайтда тўсиқ қулаб тушган, бироқ у бутун йўлни қамраб олмаган.
Полициянинг маълум қилишича, ҳалок бўлганлар машинанинг уч нафар ёш йўловчиси — 22 ёшли ҳайдовчи ва худди шу ёшдаги аёллар. Поезд бортидаги 42 йўловчи ва темирйўлчилардан фақат биттаси енгил жароҳат олган.
Воқеа жойига фавқулодда хизматлар ходимларининг катта контингенти борган. Тўқнашувдан сўнг Ганновер ва Бремен ўртасидаги темир йўл бир неча соатга ёпилган.
Live
Барчаси