Фарғона вилояти адлия бошқармасига янги раҳбар тайинланди

Жамият 6730
image

Бугун, 16 июнь куни Фарғона вилояти адлия бошқармаси бошлиғи лавозимига Абдуманноп Абдураҳматович Бўриев тайинланди. Бу ҳақда Адлия вазирининг тегишли буйруғи чиққан.

Абдуманноп Бўриев мазкур тайинловга қадар Адлия вазирлиги Ташкилий-назорат ва стратегик режалаштириш бошқармаси бошлиғи лавозимида фаолият кўрсатган.

Маълумот учун, у 1986 йилда Тошкент вилояти Бекобод шаҳрида туғилган. 2010 йилда Жаҳон иқтисодиёти ва дипломатия университети, 2016 йилда эса Ўзбекистон Республикаси стратегик таҳлил ва истиқболни белгилаш Олий мактабини тамомлаган. Мутахассислиги – ҳуқуқшунос.

Бўриев ўз меҳнат фаолиятини 2011 йилда Адлия вазирлиги Юридик шахсларни давлат рўйхатидан ўтказиш бошқармаси 1-тоифали иш юритувчи котиби лавозимидан бошлаб, турли масъул лавозимларда фаолият юритган.

Юлдуз Абдурашидова
Мақолага баҳо беринг
Баҳолаганлар: 185
Рейтинг: 3.1
t
×