Эрон русларга ёрдам бериб катта хатога йўл қўйди – Пелоси

Эрон Россияга Украина инфратузилмасини нишонга олувчи дронлар етказиб бериб, “катта хатога йўл қўйди. Бу ҳақда кеча, 24 октябрь куни АҚШ Конгресси Вакиллар палатаси спикери Нэнси Пелоси Хорватияга ташрифи доирасида Бош вазир Андрей Пленкович билан музокаралардан сўнг, матбуот анжуманида сўз очган.

Шунингдек, Пелоси, Қўшма Штатлар бир мунча вақтдан буён дунёни хавфсизроқ жойга айлантириш учун Эрон билан ядровий келишувга эришишга ҳаракат қилгани, энди эса Эрон Россияга ёрдам бериб, дунёни “хавфсизроқ” жойга айлантирмоқчилигини маълум қилди. 

Қўшма Штатлар ва Ғарбнинг бир қанча давлатлари Россияни Украинадаги тинч аҳоли ва электр станцияларига ҳужум қилиш учун Эронда ишлаб чиқарилган дронлардан фойдаланганликда айблаб келмоқда. Эрон Россияга портловчи моддалар ўрнатилган дронларни етказиб бераётганини рад этди.

Пелоси эса учбурчак шаклидаги дронлар кўринганини айтмоқда. Бироқ, у учувчисиз самолётларни қаерда ва қачон кўрингани ҳақидаги маълумотларни ошкор қилмаган. 

Пелоси Хорватия Бош вазири Андрей Пленкович билан бўлиб ўтган қўшма матбуот анжуманида “Аввало, биз дронларга қарши тура олишимиз керак. Бу хавфли технология ва уни тўхтатиш керак”, дея қўшимча қилди.

Эслатиб ўтамиз, аввалроқ БМТ Эрон Россияга учувчисиз қирувчилар берганлиги бўйича текширув ўтказишни талаб қилганди.

Ҳаққиев Самандар