Эрон Исроил учун энг катта хавф – Исроил Бош вазири

Эрон ва унинг ядровий дастури Исроил учун энг катта хавфни туғдиради. Бу ҳақда Исроил Бош вазири Нафтали Беннет Вазирлар Маҳкамасида миллий хавфсизлик масалаларига бағишлаб ўтказилган учрашув чоғида маълум қилган. 

Бундан ташқари, у, Венада Эрон билан ўтказилган ядро қуролини сақлаш борасидаги музокаралар ҳақида ҳам тўхталиб ўтган. 

“Эрон Исроил учун энг катта хавфни туғдиради. Эрон ядро дастури мунтазам равишда Исроил ҳукумати назорати остида. Албатта, биз дастур доирасида Венада олиб борилган музокаралар натижасини кузатиб борамиз”, деган давлат раҳбари. 

Беннетнинг таъкидлашича, Венадаги келишув Эроннинг ядровий қуролдан фойдаланиш имкониятини кескин чеклайди.

“Эрон ядро дастури бўйича келишув барқарорлик даражасини оширади, деб ҳисоблаганлар адашади. Бу фақат уранни бойитиш жараёнини вақтинча кечиктиради, холос. Аммо биз, минтақадаги барчамиз, бунинг учун катта, номутаносиб товон тўлаймиз”, дея таъкидлаган Исроил Бош вазири.

Беннетнинг билдиришича, Эрон ядровий дастурига қарши Исроил ўз қудратини оширмоқда ва бу керак бўлса, ўнлаб йиллар мобайнида давом эттирилади. 

“Исроил ҳар қандай ҳолатда ҳам келишув биланми ёки усиз, Эрон ядровий дастурига қарши ҳаракатларини сақлаб қолади”, деган Бош вазир.