Эрдўған Путин билан “дон келишуви”ни муҳокама қилди

Туркия Президенти Ражаб Тойиб Эрдўған бугун, 1 ноябрь куни Россия президенти Владимир Путин билан телефон орқали мулоқот қилди.

Туркия Президент маъмуриятининг алоқа бўлими хабар беришича, икки давлат раҳбарлари Россия-Украина уруши соҳасидаги сўнгги ўзгаришларга урғу бериб, минтақавий кун тартибидаги масалаларни муҳокама қилган.

Президент Эрдўған, Анқара Истанбул дон етказиб бериш шартномасини амалга ошириш билан боғлиқ муаммоларни ҳал қилиш учун барча томонлар билан керакли ташаббусларни кўришда давом этаётганини қайд этган.

Туркия раҳбари дон етказиб бериш масаласини ҳал қилиш учун ҳамкорлик муҳити шаклланишига ишонч билдирган.

Туркия давлати раҳбари ғалла инқирози мавзусига конструктив ёндашиш мулоқотга қайтиш учун рағбатлантирувчи таъсир кўрсатишига ишонч билдирган.

Эрдўған, шунингдек, “Валдай” мунозара клуби доирасида Туркия ва шахсан унинг номига айтилган самимий сўзлар учун россиялик мавқедошига миннатдорлик билдирди.