MVDda ishlaydigan “Bekzod akaning o‘g‘li” topildi (video)
3-sahifa
−
11 yanvar 24552
Ijtimoiy tarmoqlarda Equinox haydovchisi bo‘lgan yosh yigitning yo‘l qoidalarini buzib harakatlangan videosi tarqalib, keng muhokamalarga sabab bo‘ldi. Ushbu holat yuzasidan Ichki ishlar vazirligi Yo‘l harakati xavfsizligi xizmati munosabat bildirdi.
Tarqalgan videoda yigit “Bekzod akani o‘g‘li bo‘laman, dadam Ichki ishlar vazirligida ishlaydi”, degan edi. Olib borilgan surishtiruvlar davomida ushbu qoidabuzarlik 2006 yilda tug‘ilgan A.I. tomonidan sodir etilgani aniqlangan.
Yigit va uning onasi bilan olib borilgan suhbatda bolaning otasi hech qanday IIV xodimi emasligi, “O‘zdonmahsulot” AJda ishlashi ma’lum bo‘lgan.
Ushbu holat yuzasidan yigitning onasiga nisbatan Ma’muriy javobgarlik to‘g‘risidagi kodeksning 47-moddasi (“bolalarni tarbiyalash va ularga ta’lim berish borasidagi majburiyatlarni bajarmaslik”) bo‘yicha ma’muriy bayonnoma rasmiylashtirilgan. Unga ko‘ra, bazaviy hisoblash miqdorining 5 baravari miqdorida jarima jazosi tayinlangan.
Equinox avtomobili esa vaqtincha saqlash uchun jarima maydoniga joylashtirilgan.
Live
Barchasi