Энг кўп ишлатиладиган пароллар маълум бўлди

DeviceLock компанияси таҳлилчилари энг кўп ишлатиладиган паролларни аниқлади. Энг машҳур ўнталикда: 123456, 123456789, qwerty, password, 12345, qwerty 123, 1q2w3e, 12345678, 111111, 1234567890.

Энг машҳур кирилл имлосидаги пароллар: мен, пароль, кверти, салом, севаман, наташа, максим, андрей, офтобим.

Почта манзиллари бўлган логинлар учун паролларни йўқотган фойдаланувчилар орасида энг машҳур хизматлар қуйидагилар: mail.ru, yahoo.com (2018 йилги етакчи), hotmail.com, gmail.com, rambler.ru, yandex.ru, bk.ru, aol.com, qq.com ва list.ru.

DeviceLock асосчиси ва техник директори Ашот Оганесян IT-тармоғи иштирокчиларининг барча таълимий саъй-ҳаракатларга қарамай, фойдаланувчилар паролларни танлашга енгил қараётганидан ҳайратда. “Пароль учун қатъий талаблар белгиланадиган корпоратив тизимларда вазият яхшиланди, – дейди Оганесян. – Лекин ҳеч қандай автоматлаштирилган назорат бўлмаса, фойдаланувчилар миясига биринчи келган нарсани ёзишлари аниқ. Яъни “салом, севаман, наташа” қабилида. Шу билан бирга, масалан, онлайн-кабинетга бузиб кириш, кейинчалик электрон почта ёки мессенжерни ўз ичига олган муҳим тизимларга тез кириш имконини беради”.