Энг арзон гўшт қайси бозорда сотиляпти?

Жамият

image

Карантин даврида бозордаги нарх-наволар маълум қилинди

Ўзбекистонда деҳқон бозорларида гўшт 39 000 сўдан 75 000 сўмгача сотиляпти.  Давлат статистика қўмитаси мамлакат ҳудудларидаги марказий деҳқон бозорларида 11 август куни кузатув ўтказиб, алоҳида турдаги озиқ-овқат маҳсулотларининг минимал-максимал нархларини ўрганди.

Мол гўшти

Мол гўшти (суяксиз гўштидан ташқари) 40 000 сўмдан 65 000 сўмгача (кг). Кузатув натижасига кўра, 1 кг мол гўштининг (суяксиз гўштидан ташқари) минимал нархи Нукус шаҳрининг “Нукус деҳқон бозори’’ ва Урганч шаҳрининг “Урганч марказий деҳқон бозори’’нинг арзонлаштирилган гўшт расталарида қайд этилган (40 000 сўм). Мол гўштининг максимал нархи эса, Чирчиқ шаҳрининг “Чирчиқ шаҳар деҳқон бозори” ва Тошкент шаҳрининг “Олой деҳқон бозори”, “Фарҳод деҳқон бозори” ва “Миробод деҳқон бозори”да 65 000 сўм кузатилди.

Қўй гўшти

Қўй гўшти 39 000 сўмдан 75 000 сўмгача (кг). Қўй гўштининг минимал нархи кузатув натижасига кўра, Тошкент шаҳрининг “Миробод деҳқон бозори”да (39 000 сўм) рўйхатга олинган. Максимал нархи эса, Тошкент шаҳрининг “Олой деҳқон бозори”да (75 000 сўм) кузатилди.

Картошка

Картошка 2 500 сўмдан 6 000 сўмгача (кг). Кузатув натижаларига кўра, Наманган шаҳрининг “Наманган чорсу деҳқон универсал бозори”, Самарқанд шаҳрининг “Сиёб деҳқон бозори” ва “Дамариқ деҳқон бозори”, Термиз шаҳрининг “Марказий деҳқон озиқ-овқат бозори”, Чирчиқ шаҳрининг “Чирчиқ шаҳар деҳқон бозори”, Тошкент шаҳрининг “Фарҳод деҳқон бозори” ва “Қўйлиқ деҳқон бозори”да сотувда бўлган йирик бўлмаган картошканинг нархи минимал нарх сифатида (2 500 сўм) қайд этилган. Шу билан бирга, Тошкент шаҳрининг “Олой деҳқон бозори”да сотилган сараланган картошканинг нархи максимал нарх сифатида (6 000 сўм) қайд этилди.

Пиёз

Пиёз 1000 сўмдан 3 000 сўмгача (кг). Кузатув натижасига кўра, Наманган шаҳрининг “Наманган чорсу деҳқон универсал бозори”, Термиз шаҳрининг “Марказий деҳқон озиқ-овқат бозори”, Гулистон шаҳрининг “Гулистон деҳқон бозори”, Чирчиқ шаҳрининг “Чирчиқ шаҳар деҳқон бозори”, Янгийўл шаҳрининг “Ихтисослашган Янгийўл шаҳар деҳқон бозори” да (1000 сўм) рўйхатга олинди. Максимал нарх сифатида эса Тошкент шаҳрининг “Олой деҳқон бозори” ва “Миробод деҳқон бозори”да сотувда бўлган сараланган пиёзнинг нархи кузатилди (3 000 сўм).

Сабзи

Сабзи 1 500 сўмдан 4 500 сўмгача (кг). Сабзи маҳсулотининг минимал нархи кузатув натижасига кўра, Жиззах шаҳрининг “Эски шаҳар деҳқон бозори”, Наманган шаҳрининг “Наманган чорсу деҳқон универсал бозори”, Термиз шаҳрининг “Марказий деҳқон озиқ-овқат бозори”, Чирчиқ шаҳрининг “Чирчиқ шаҳар деҳқон бозори” ва Фарғона шаҳрининг “Марказий деҳқон бозори”да (1 500 сўм) қайд этилган. Шу билан бирга, Тошкент шаҳрининг “Эски жўва деҳқон бозори” ва “Олой деҳқон бозори” да сотувда бўлган тозаланган ва сараланган сабзининг нархи максимал нарх сифатида (4 500 сўм) қайд этилди.

Тухум

Тухум 6 000 сўмдан 12 000 сўмгача (10 дона). Кузатув натижасига кўра, Самарқанд шаҳрининг “Сиёб деҳқон бозори” да сотувда бўлган майда тухумнинг нархи минимал нарх сифатида қайд этилди (6 000 сўм). Максимал нархи эса, Тошкент шаҳрининг “Олой деҳқон бозори”, “Миробод деҳқон бозори” ва “Фарҳод деҳқон бозори” да қайд этилган (12 000 сўм).

Гуруч

Гуруч 5 000 сўмдан 18 000 сўмгача (кг). Кузатув натижаларига кўра, гуруч маҳсулотининг минимал нархи Нукус шаҳрининг “Нукус деҳқон бозори”да (“Нукус 2” навли гуруч) ва Қарши шаҳрининг “Қарши деҳқон озиқ-овқат бозори”да (5 000 сўмдан) қайд этилган. Максимал нарх эса, Тошкент шаҳрининг “Миробод деҳқон бозори”да кузатилди (“Лазер” навли гуруч 18 000 сўм).

Ўсимлик ёғи

Ўсимлик ёғи 8 800 сўмдан 14 500 сўмгача (литр). Ўсимлик ёғи маҳсулотларининг кузатув натижасига кўра, минимал нархи Тошкент шаҳрининг “Эски жўва деҳқон бозори” ва “Миробод деҳқон бозори”да (маҳаллий пахта ёғи 8 800 сўм) кузатилди. Максимал нархи эса, Тошкент шаҳрининг “Олой деҳқон бозори”да (кунгабоқар ёғи 14 500 сўм) кузатилди.

Шакар

Шакар 5 800 сўмдан 7 000 сўмгача (кг). Шакар маҳсулотининг кузатув натижасига кўра, минимал нархи Тошкент шаҳрининг “Фарҳод деҳқон бозори”, “Миробод деҳқон бозори”, “Эски жўва деҳқон бозори” ва “Қўйлиқ деҳқон бозори”да (5 800 сўм) қайд этилди. Максимал нархи эса, Тошкент шаҳрининг “Эски жўва деҳқон бозори”, “Олой деҳқон бозори” ва “Миробод деҳқон бозори”да (7 000 сўм) кузатилди.

Aҳрорбек Ҳайруллаев


Мақола муаллифи

avatar

.

Теглар

Баҳолаганлар

56

Рейтинг

3.1

Мақолага баҳо беринг

Дўстларингиз билан улашинг