Энди тазйиқ ўтказган va зўравонлик содир этган шахсларнинг реестри юритилади
Жамият
−
11 Май
3625Энди Ўзбекистонда тазйиқ ўтказган va зўравонлик содир этган шахсларнинг реестри юритилади. Бу ҳақда “Тазйиқ ва зўравонликдан жабрланган шахсларга ижтимоий хизматлар кўрсатишни такомиллаштириш бўйича қўшимча чора-тадбирлар тўғрисида”ги Президент Қарори қабул қилинди.
Қарор билан, тазйиқдан жабрланган шахсларга руҳий инқироз ҳолатида бирламчи тиббий хизмат кўрсатиш тизимини йўлга қўйиш мақсадида, шошилинч қабул бўлимларида туну кун ишлайдиган бирламчи кўмак хоналари ташкил этилади:
- 2024 йил 1 июндан Жиззах, Навоий va Хоразм вилоятларида;
- 2024 йил 1 октябрдан республиканинг қолган барча ҳудудларида.
Бирламчи кўмак хоналарида:
- жисмоний va руҳий ҳолатини яхшилаш учун тазйиқ va зўравонликка учраган, ўз жонига суиқасд қилган ёки ўз жонига қасд қилишга мойиллиги бўлган хотин-қизлар ҳамда уларнинг вояга етмаган фарзандлари уч суткадан кўп бўлмаган муддатга жойлаштирилади;
- шошилинч биринчи ёрдам, шу жумладан руҳий, психотерапевтик ёрдам кўрсатилади, шунингдек, юқумли касалликлар мавжудлиги тўғрисида таҳлиллар ўтказилади.
Шунингдек,
- 2024 йил 1 октябрдан ҳимоя ордери берилган ҳар бир ҳолатда тазйиқ va зўравонлик содир этган ёки содир этишга мойил бўлган шахснинг зўравонлик хулқ-атворини ўзгартириш бўйича тузатиш дастури “Инсон” марказлари билан келишилган ҳолда тасдиқланади;
- 2025 йил 1 январдан ички ишлар органлари томонидан тазйиқ ўтказган va зўравонлик содир этган ёки содир этишга мойил бўлган шахсларнинг реестри юритилади;
- 2024 йил 1 декабрдан бир календарь йил давомида икки va ундан ортиқ марта тазйиқ va зўравонлик ҳолати бўйича мурожаат қилинганда ички ишлар органлари томонидан ҳимоя ордери ташаббус тартибида берилади.
LiveБарчаси